Hadooh wa poi chei yap chah dat uwi ha Mookyndur

Uwi u bru uwa tip kam u Iaraplang Suchiang (24 snem) da chah dat u hadooh wa poi chei yap neidaw wa chah pynbaad wa tooh phñiang na ka Truck wa em ha Mookyndur.

Katkam wa pyntip ki pulit, ynne i step heipor kamwa 3:50, u waheh chnong ka Mookyndur, u Carefullme Suting da wan mih u cha Ummulong Beat House yow pyntip wa em uwi u bru wa emkti hei tooh phñiang uwa da chah ksoh ha ki paidbah hadien em wa kiwa yah Truck da kam ki wa chem ki yeini wa leh u.

Hawa lai ki pulit cha kani ka thaw, da chem ya uwi u bru uwa da thiah mynsoo ha sarok wei hawa kylli takit da chem wa uni u uwa mynsoo deilang wa ar ngut kiwi won ki wym tipmit da em wa yoo ki wa tooh phñiang ki na ka Truck wa em Number ML-11A-1474 kawa kit Clinker wei pynyieñ ha rood sarok ha Mookyndur.

Kiwa yah ya kani ka Truck, u Bahunlang Marboh wa u Doniwel Marboh da kbai da kyriaw ki hawa yoo yeini i em kini ki bru iwa poi cheh yaleh hapyrdi kini kiwa chah pynbaad tooh phñiang wa ki paidbah kiwa da wan hadien wa sñiaw yeiwa kbai kiwa yah Truck.

Daw pynman yalang paidbah ka JTTA heiyatoh wa ka lawmusiang Shopping Complex

June 13, 2026

Ye u mih madan ki Waheh Kur wa suki ka JHADC hajrong ki dawa

June 13, 2026

Katkam wa khana kini ki wa yah Truck, ar ngut kiwi kiwa emlang wa uwa chah dat da yohlaad ki wow yut mar ya yoo ya ki paidbah.

Ha ini i yaleh, kini kiwa yah Truck leh da takha ki wei da kit ya ki cha Ummulong CHC deilang uwa chah dat u Iaraplang Suchiang heiwa da sumaar ya oo deilang kiwa yah Truck.

Heipor kamwa 5:45 i step ya kini ki le ngut da lai yah cha Ummulong Beat House yow yoh ki yei yada wei yow leh yeiwa emkaam.

Tangwa mar ya poi ha Ummulong Beat House, u Iaraplang da ood u wa kjut doh khamtam hei bynta i khlieh, kamtæ khlem pynslem da kit biang oo cha Ummulong CHC heipor 5:55 i step wei dapoi ha CHC heipor 6:00 waje i step heiwa da phah wow sumaar oo.

Heipor kamwa 7:10 i step, da pyntip u Doctor wa u Iaraplang da khlaad noh u heipor wa dang chah sumaar.

U Iaraplang Suchiang toh uwa chong wa sah ha chnong Iongkwang, West Jaiñtia Hills wei neiliang ka yung ka sem yong oo da dawa ki wow pynchitom deiwa eh ya kini ki bru wa emkti wow pynyap dusmon deiwa beiñ leh ya waroh kiwa emkti wei da maham leh wow booddien ki hadooh wa chem.