Kawi ka manbei kawa tip kam ka Inmon Sumer kawa em 44 snem i rta kawa na ka chnong Krang Pamtdong kawa haap hapoh ka Amlarem Civil Sub-Division da maad ko yei jia wa sñiawsih wa sñiaw chyrkhei heiwa u kurim yong ka uwa tip kam u Kmen Pohtmhi uwa da yachong ya sah ko chirup da ki phaw snem deiwa em 7 ngut ki khon, da thombor syndet u ka ha ka 2 tarik uni u bnai ha i yung wa chong wa sah ki deiwa pam ka da ka wait hadooh wa tkut ka kti tidiang wei da mynsoo ko leh ha ki dur khmat.
Ini da jia i heipor sngi kamwa heipor kamwa 12:50 haroh heipor wa ki khon ki kti yong ki leh emlang ki ha yung, tangwa hei kamra chet-ja wa thombor u manpa ya kani ka manbei, da emlang du uwi u khon chynrang waheh, wei utæ u khon chynrang wa emlang ha ka jooh ka kamra leh da mynsoo u deiwa toh da ka wait hawa pyrchang wow yada ya ka bei.
Katkam i khana kani ka manbei deilang ki khon, ong ki man-i-por uni u pa ki jooh thooh daw kynroi u ha-yung ha-sem wei ha katai ka sngi da leh syndon u dei kaam wa sih.
Heiyatoh wa ini i jia neiliang i khon ki kti dadep e FIR ki ya oo pa ki wei katte da em u ha kti ki pulit.
Ha katai ka sngi mar ya dep jia. wut-wut da pynkit ya kani ka manbei cha Rasongsli Nursing Home Amlarem yow kset yei snaam wa kai na ka kti wa da tkut, neini won da pynkit ya ka cha Woodland WK Hospital Sabahmuswang, kattæ kani ka manbei dang em ko hapyrdi i chitom joor hanlada tip yong bru hi ko.
Discussion about this post