Ynne i step, uwi u bru uwa kreh mylla uwa na baar jylla uwa tip kam u Arjun Rai da chah bom yap u ha ki kattu katni ki damok ki wym tipmit ha chnong Mawroh Umsohkhlur kawa em ha Mawlai.
Katkam wa khana u waheh chnong, u HBR Lyngdoh, da ong wa em kamwa 6 ngut ki bru kiwa da tymmoh bha yei dur khmat kiwa da lai ha kawi ka thaw wa dang chna yung heiwa da kylli lada em namo ym em kiwa kreh mylla kiwa na baar jylla, wei marsien tip wa em uwi u baar jylla, da dat da bom ki ya uni u bru wei da yut ki na katai ka thaw.
Da khana u wa ini wa jia heipor step toh iwa khlem poi pyrkhat, wei hadien wa yut kini ki damok da pynkit noh ya uni uwa chah dat cha NEIGRIHMS yow chah sumaar, tangwa hadien kattu katni i por da pyntip wa da khlaad noh u.
Ki pulit hadien wa tip ki yeini i jia da hiar ki cha katai ka chnong wei ym em de chemdien ki ya kini ki damok, tangwa da chem yei snaam wa boon wei da tymmoh noh da u chyiap.
Neiliang ki pulit dang pynman ki ya ka takit tangwa katkam wa da yoh khubor wa wot ki bru wa sah marjan ym tip ki kiyi ki kini ki damok.
Ki pulit da Register Case ki hajrong ini wa jia wei ka takit dang lai ko chakhmat.
Discussion about this post