Hakhmat ka CoMSO kular u Conrad wow pynkylla ya ka MRSSA

Shillong: Kiwa yahkhmat ka CoMSO ynne ka sngi ynne da lai yachem ki ya u Montri Rangbah ka jylla, u Conrad K. Sangma wa ya u Symbood Montri Rangbah, u P. Tynsong, ha kamra krehkaam u Conrad wow booddien yei dawa pynpsiah ya ki kyndon ka ILP ha ka Amendment yong ka MRSSA kamwa da dawa nadooh wa sdang ha i yachem wa ka sorkar.

Kam wow pynkynmoo ha i yahem wa khaddooh wa u Conrad, da kular u wow pyndep ya ini i kaam wow wanrah ya ka Amendment lyngba ki artylli ki Cabinet Meeting.

Ka yachem ynne ka sngi toh wow pynkynmoo ya u Montri Rangbah yeiwa da kular u wei neiliang yong oo da pyntip u wa ka kaam da man ko kawa lai bait chakhmat wei ha kini ki sngi wow wan ka sorkar daw chong ko ya ka yalang ki montri wei daw wanrah noh ya ka Amendment Act yong ka MRSSA heiwa daw thap ya ki kyndon ka ILP ha ka.

Ka CoMSO da pynsñiaw ko leh hakhmat yong oo wa yoh yutip ko wa ka sorkar pyrdi daw wanrah ko ya ka CAB ha ka dorbar wow wan ka wow chong ha ka 18 tarik u Khonchonglad kamwa da ong u President ka BJP uwa man leh u montri ka kaam pohyung ka ri, u Amit Shah, ka CAB daw em ko ki kyndon wow yada ya ki jylla wa em ka ILP wei kamwa man, hapoh ka jylla emkaam jhan wow pynkylla ya ka MRSSA chwa wow wanrah ka sorkar pyrdi ya ka CAB.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang u Montri Rangbah da klam che u wa ka yalang ki montri ka sorkar jylla daw man ko ha kini ki sngi wow wan wei ka sorkar jylla em ko i thmu wa skem wow pynkylla ka MRSSA chwa ka dorbar Parliament.

Neiliang ka CoMSO da ong ko wa daw yang ko neibhah wa burom ko yei kular u Montri Rangbah ka jylla wei kyrmen skem ko leh wa ka sorkar daw leh ko yeiwa emkaam smat.

Heijooh i por da ong ko wa daw pyrkhat ko ha ki sngi wow wan lada jia wa ka sorkar ym pynyoo dak ko wa thmu sakhiat ko u leh yeiwa da dawa ko.