Ka Central Recruitment Board (CRB) yong ka Meghalaya Police da pyntip ko wa da jooh chem ya ki bru wa chim kabu ya kiwa yaleh kreh, wei yeini da ong hadien wa ynnin da pynbna ya 2,968 tylli ki kreh pulit wa lait.
Neiliang u Deputy Inspector General (DIG) cum Member ka CRB, u Davis Marak da ong u wa da em wa jia heiwa da em ki bru wa da kam ya idæ kam ki dkhot ka Recruitment Board næ ki bru ka Meghalaya Police kiwa da kular ya kiwa yaleh kreh yow ye ki u pyndep yaka Physical Efficiency Test (PET), ka Written Exam wot hadooh ka Interview.
Kamtæ da kyntu u ya kiwa yaleh kreh wym toh u chah pynbiej ha kam kini ki bru neibhah kini toh kiwa thok wa chukor donhi neibhah ka CRB u leh ko yeini i thung kreh deiwa khooid wei ym e laad leh ya kam kini ki bru wa chim kabu ki.
Da ong u leh wa kini ki bru da chim kabu ki ya kitu kiwa kwah kreh wei da em leh ki wym swe hadooh wow su da ka poisa wei da em leh kiwa da dep chah kem kiwa leh yeini.
Neiliang u Chairman ka CRB, u Francis G Kharshiing da khana u wa da thung da ki Superintendent of Police deilang wa ki Commandant yow pait yeini i kaam, wei lada em kiwa yaleh kreh kiwa chem chitom wow pynemkaam Internet yow tip ya ki kyndon yaleh kreh, ye ki wow lai cha ka yung krehkaam u SP næ cha u Commandant kiwa daw yarap kammon wow yaleh kreh nadooh wow Upload ya ki Application Form wei ymtoh wow chaniah ha ki bru kiwa paan poisa.
Lada em iwon iwon i artien ye wow Phone ha u Helpline Number-6033164273 ha ki por wa man kreh nadooh 10:00 waje i step hadooh 5:00 waje i janmiet. Ye leh wow phah da ka email ha [email protected].
Discussion about this post