Ka seiñ FKJGP-East Jaiñtia Hills da lai e dorkhat ko cha u Montri Rangbah ka jylla, u Conrad Sangma lyngba u DC ka District yow pynsñiaw yei pyrchah joor yei thmu wanrah luti rel ka sorkar chapoh East Jaiñtia Hills.
Ka seiñ da ong ko wa ka sorkar da pynbiej bru ko katni deiwa ong u wanrah du ka rel kit mar tangwa ka seiñ da ong ko wa chisien wa da e laad daw wan won sa ki rel wa kit bru.
Ka seiñ da kyntait ko leh yei kam wa daw hiar dor ki marbaam mardih deiwa wan ka rel neibhah ha Garo Hills wa em ka rel ym em hiar dor neibhah lada pait cha East Jaiñtia kawa em chiboon ki karkhana pynmih khyndaw bilat tangwa i dor man i iwa syad hapoh ka jylla hawa nujor cha baar jylla wei du ki kattu katni donhi ki tre thaw kiwa yoh khih yoh kreh ha kitai ki karkhana naka 80% wa da ya mynjur, kamtæ da ong wa ki paidbah toh u pyrkhat bha ki yeini neibhah ka rel ymtoh yow pynmyntoi ya ki paidbah ka jylla tangwa ka thong yong ki kattu katni yow pynmyntoi ya wi ar ngut donhi.
Chooh chooh da ong wa i pyrchah toh neidaw wym pu biang ki aiñ wa biang wow yada ya ka jaitbru yong i wei lada wan kani ka luti rel daw booh ko hei maa yaka ri waka jaitbru yong ngi lyngba i chah tlep ha ki heh paaid, kamtæ emkaam chwa ya ka ILP wei hadien itæ ka seiñ daw pyrkhat ko ya ka luti rel wei lada ka sorkar leh ko dei bor wei lada jia iyi iyi, ka sorkar daw hap hi ko wow bahkhkhlieh.
Discussion about this post