Jowai : “Boonsien hapoh ka jylla yong i ki wa mihkhmat (MLA/ MDC) jooh kam tre ki yei bhah yong ki paidbah (Scheme) deiwa ong wa ki wa e ya kini ki scheme” da ong u Cultural Secretary ka JSU u C. Passah ha ka khubor wa da pyllait ynne ka sngi.
Ka seiñ da ong ko wa yeini dei langær yoh u sakhi ha ki kattu katni ki kari kit wakjut (Ambulance) næ ki kari Paidbah næ ki tiar ki tar kam ki chuki wa kiwi kiwi kiwa da e lyngba ki Scheme kam ka MLA Scheme kawa man ka bhah yong ki paidbah.
“Iwa sñiaw phylla toh wa ha kam kini ki tiar wa ki kari da thoh ya ki kyntien “Donated by” iwa mut da e sñiawbha da u… iwa pyrchah joor ka seiñ waroh kawi neibhah kini ymtoh wa sai kiwa mihkhmat na kata yong ki tangwa toh ki scheme neibynta ki paidbah” da ong ka JSU, ini man i iwa pynsñiawthooh bakla ya ki paidbah wa kini da pynlut na kata kini kiwa mihkhmat.
Kamtæ ka Jaiñtia Students’ Union (JSU) da pynsñiaw ko yei pyrchah wa khroo yeini i pynemkaam bakla wow thoh ya kam kini ki kyntien ha ki mar wa ki tiar iwa toh hok yong ki paidbah wei wow pynemkaam du ya ki pyrtuid yong ki scheme donhi.
Lada ym pyndam noh ya ini waroh, ka JSU daw boodien ko da ki RTI yow pynsakhiat ya ini waroh.
Discussion about this post