Ham kheiñ kom ya ka PDF, ha ka MLA da yoh ko hadooh 1.30 lak vote: Hamletson Dohling

Shillong: I kwah ya u kyrtong monlang neibynta ka election MP cha Lok Sabha ha u snem wow wan na ka sorkar Meghalaya Democratic Alliance (MDA) kawa synchaar ha ka jylla da katik ko ya waroh ki seiñ saiñ pyrthai ha ka jylla wow pynsñiaw yei kwah yong ki, wei kamjooh leh ya ka Peoples’ Democratic Front (PDF) kawa em ar ngut ki Montri ha ka sorkar.

Hawa yaklam wa kiwa pathai khubor, u MLA ka PDF uwa man leh u Montri ka sorkar jylla, u Hamletson Dohling da ong u wa ya u kyrtong monlang toh wow jied da ka Co-ordination Committee ka MDA kawa emlang ki seiñ wa synrop ha ka sorkar.

Da ong u wa lada kyrchaan ya u kyrtong ka UDP, mut i wa lada ym em u kyrtong monlang da haap bait wow kyrchaan ya uwa na kawi ka party donhi.

Chooh chooh da ong u wa ka UDP kwah ko wa ki lok ha ka sorkar MDA u kyrchaan bait ki ya u kyrtong yong ka.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Hawa jubab won lada ka PDF daw pynyieñ kyrtong namo ym pynyieñ ko ha ka election MP, neiliang u Hamletson da ong u wa ka party hadooh katni ympu rai næ chong ko ha ka Central Working Committee (CWC) ka party.

“Ymye wow kheiñ kom ya ka PDF neibhah ha election MLA wa dang dep da yoh i 1.30 lak vote, chong ko ha ka rai ka CWC lada booh kyrtong i,” da ong u.