Ka Jaiñtia Students’ Union (JSU) lyngba u President yong ka, u Lawyerson War da ong ko ya ka sorkar “Ham kyndehke wei mynsien ki bru da ki tamasa” ini man i kam ka dak wow pyrchah ya i thmu ka sorkar Meghalaya wow pynman ya ka tamasa wa tip kam ka Meghalayan Age.
Kani ka tamasa toh ka wow pynman ha Thadlaskeiñ, Lad Mukhla, West Jaiñtia Hills ka wow sdang nadooh ka 7 hadooh 15 tarik uni u bnai.
Ka seiñ da ong ko wa i daw wa pyrchah ko ya kani ka tamasa toh nei sdang poor u khñiang Coronavirus ya uwa da tip leh kam u COVID-19 ha kylleiñ ka pyrthai wa kamjooh hapoh ka ri India.
Chooh chooh ka seiñ da ong ko wa katkam i klam u montri rangbah ka jylla, u Conrad Sangma da ong u wa kani ka tamasa u man ko kawa heh wei ki bru na kylleiñ ka pyrthai u wan ki, wei lada kamtæ kani ye ko wow wanrah yei maa ki bru ka jylla wa ka thaaiñ hi waroh kawi.
Sa iwi i daw wa pyrchah ya kani ka tamasa toh wa man ko ha ki tayaw wa man Exam waphær waphær ki khynnah puræ ka jylla tangwa ka sorkar ym em de pyrkhat ko ya ki khynnah heiwa da pynman pathan ko da kani ka tamasa.
Ka seiñ da ong ko wa ini pynyoo che i wa ka sorkar wa yahkhmat da Ka NPP ym pyrkhat de ko ya ka mynried ki khynnah.
U Lawyerson da pynkynmoo u leh wa kamwa mih ha ki khubor wot u montri rangbahdooh ka ri, u Narendra Modi leh ym chimbynta u ha ma lehkmen Holi neidaw uni u khñiang, neiyi i daw won ka sorkar kwah bait ko u pynman ya kani ka tamasa ha kini ki por.
Kamtæ neiliang ka seiñ da dawa joor ko na ka sorkar wow pyndam chwa chipor ya kani ka tamasa.
Discussion about this post