U President ka Khun Hynniewtrep National Awakening Movement (KHNAM) uwa man leh u MLA ka North Shillong, u Adelbert Nongrum da pteiñ u wow dawa na ka sorkar wow pynyinsur noh ya i rta thap kreh ki khynroo khyllood.
Da ong u wa lada ka sorkar ymye ko pynyoo wa ym em i mon yong ka neibhah ha kiwi ki jylla dadep pynyinsur ya i rta thap kreh heiwa da kdaw u leh wa dadep yaklam u ya kani ka phang ha ka dorbar heiwa neiliang ka sorkar da paan por ko leh wow bichaar bniah yeini.
Da ong u wa lada ye wow wanrah ya ki bru na baar wow kreh, wei wow pynyinsur ya kiwa da toh u chong-ngiah, iyi eh won wow pynyinsur ya i rta thap kreh ki khynroo khyllood wei da ong u leh wa lada ym yoo yei kylla ym myntoi wow lehkmen yei dap 50 snem ka Jylla.
U Adelbert da maham u leh ya ka sorkar wa ymtoh u lehke ko ya ka mynried ki khynroo khyllood deiwa pynrap wa lada ong khut ya oo ‘Dramatic’, kattæ ymtoh de ka Meghalaya Democratic Alliance tangwa ka Meghalaya Dramatic Alliance.
