U Chief Executive Member (CEM) ka Khasi Hills Autonomous District Council, u Titosstarwell Chyne da ong u wow pynbaad wa oo (Titos) wa u Jambor da lilam ki ya ka Nongwah Mawtamur cha Jirang toh iwa bakla wei iwa yah bakla ya ki paidbah, neibhah ka KHADC ym em thaw ko iwon iwon leh, tangwa i e thaw toh da ki Hima.
U CEM da chrai u deiwa ong wa lada ka JAC leh ko ya iwon iwon i kaam toh deiwa tip bru tip Blai, wei ham leh kam ki bru khloo wow wan kyrniom ha ka Gate wei wow pynpra ya ki tiar ki tar yong ka Office, heiwa da pynrap u wa ka KHADC toh ka yung krehkaam ka jaitbru ymtoh i thaw wa chong ki khyllah jait.
Da ong u wa toh i thaw wa chong da ki Khasi wow pait ya ka jaitbru, ham mut wa toh i thaw wa kreh ya ki kaamke, wei lada em i pyrchah toh deiwa jai-jai ymtoh u wan da kawon kawon ka luti.
Kam wow kdaw heini, ha ka Thohdieñ yong ka tayaw wa dadep, ka Joint Action Committee (JAC) Ki Khun Ki Hajar ka Hima Sohïong da hiar ki cha KHADC wow dawa pyndam noh ya u Bashemphang Thabah kam u Lyngdoh yong ka Hima, wei ha kani ka sngi, ki paidbah da pynyoo ki yei chrai hadien wa da khang ya ki wow yachem ya u CEM ka KHADC wa ya u EM wa pait ya ka Elaka, wei i chrai kiwa yahkhmat ka JAC da kyrniom ki ya ka Gate hadooh wa da lait ko.
