Ham leh politic ya ka sarok na Nongjri cha Nongkulang: HYC

Shillong: Neiliang ka HYC – South Lyngngam Circle da kyrpaad ko ya u E. Turnia uwa man u Secretary ka UDP Ranikor Circle wow sñiawbha wan pait ya ka sarok na Nongjri cha Nongkulang, Ranikor Constituency, SWKHD yeiwa ka seiñ da dawa ko wa toh u pynkreh miat neibynta ka suk ka saiñ wa i bha i miat kiwa chong chnong ka thaaiñ ym wow pynbaad hieh khlem sñiawthooh.

Ka seiñ da e khublei ko leh wa heithaw u EE namo u SDO, PWD u chimkhia wow pait ya i kreh, u Turnia da chimkhia bha u wow batai wow pait bha yei kreh nadooh wa sdang khut Tender hadooh i pynkreh ya iwa ka seiñ da e khublei ko ya oo deiwa kyrpaad leh ya oo wow pait ya kiwi ki kaam pynroi leh hapoh ka Ranikor Constituency waroh kawi.

Chooh chooh ka seiñ da kwah ko wow pyndep smat yei chna ya ka sarok wei wow thooh laad u Contractor wow pyllait ya i lai i wan ki kari ka thaaiñ heipor wa kreh khamtam ki kari kiwa kit mar baam kiwa kit ya kiwa kjut neibhah wa da khang ya ka sarok heipor wa pynkreh ya ka sarok.

Ka seiñ da ong ko wa ymtoh wa wohnia ko neibhah ka leh kreh ko neibynta ka thaaiñ Lyngngam ymtoh wow pynthut ya ki kaam pynroi katwa kamtæ da kyntu ko ya uni u bru wow bichaar bniah chwa wow pynmih ki khubor kiwa pyrchah ya kiwa kitkaam ka seiñ kamjooh ka seiñ hi waroh kawi wei wow dam u leh Politics ya kani ka kaam.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da kyntu ko leh ya oo wow dam noh u wow pynbaad samen samen ya kiwa kitkaam ka seiñ khlem kawon kawon ka yurim.