Jowai: U montri ka tnat Revenue yong ka jylla, u Kyrmen Shylla ynne da phah u ka wyrta wa che cha ki paidbah ka Ampati Constituency wa ka sorkar synrop yong ka United Democratic Party (UDP) wa NPP wa kiwi ki party u neh ko hadooh wa kut.
“Ham mutdur wow tyngkheiñ i ya ini i yalok wa ka NPP wa kiwi ki party wei i ym em tieñ i ya ka Congress. U yieñ tylli i wow ye u wanrah ya ki kaam pynroi hapoh ka jylla Meghalaya”, da ong u Shylla hawa yalap election u ha Murchapani wa Garabokmangre kiwa haap hapoh ka Ampati Constituency.
Ha kani ka yalang ka NPP da emlang u montri rangbah ka jylla, u Conrad K. Sangma, u montri ka C&RD, u Sniawbhalang Dhar, ka Agatha K. Sangma wa kiwi kiwi na ri loom Khasi wa Jaiñtia Hills, kiwa da wan e kyrchaan ya u kyrtong ka NPP, u Clement G. Momin.
La chi tayaw tam kattu ka NPP wa ki lok yong ka da lai yalap ki ha Ampati Constituency wow kyntu ya ki paidbah wow kyrchaan ya ka NPP wei wow tympiah ya ka Congress ha Ampati.
“Ka by-election man ko kawa emkaam bha ya ka NPP neibhah wa daw pynyoo ko wa ka Ampati da pdiang ko yei kylla kamwa man ha kiwi ki Constituency,” da ong u Conrad K. Sangma.
Discussion about this post