Ham yooluti wei ham yimphoo,
Wymem hi de kat oo.
Chispah snem da slem da palat,
Wym em hi de kat oo katwa pyrkhat.
Yeinaam i pyrtuid u kynmoo,
Ya ki kaam u bru u wa khroo.
Man u snem wa pynem burom,
Ya ki kaam yong oo wa khana parom.
U tæ uwa dap chynrang sakhiat,
U wymhun ki khmat dukat u peit.
Yei chitom saja ki khon ka Ri,
U bru u wym chong kli kti.
I mynsien chlur wa ki kaam yong oo,
Ya ka pateiñ hadien wa pynkynmoo.
Em hi ma-ai wow bood late?
Ya ka pateiñ u brait da’u wabha u symbe.
Du kiwa tip du kiwa sñiaw hi,
Yei naam u khla wait ka Ri.
Wym chem i ngiah u wakit wabah,
U tæ toh u Woh Kiang Nangbah.
Discussion about this post