Hanla da rim leh tangwa da ki spah lak kamai ka rel ha Darjeeling

Ka Darjeeling Himalayan Railway (DHR) wa tipmit kam ka UNESCO World Heritage kawa em hapoh yong ka Northeast Frontier Railway (NFR) da booh moomær (Record) ko ha u May 2026.

Kani ka rel da kamai ko hadooh Rs. 395.60 lak ha u May 2026 deiwa tam ya u moomær wa Rs. 358.60 lak ha u May 2025.

Ini i ku ka nong toh nei wan ki Tourist wow chong ha ka rel sahnaam (Heritage Railway) wa lai lyngba ka luti wa khian ha ki loom Himalaya kawa tip leh kam ka Toy Train.

I ku ka nong wa yoh ka DHR toh da sakhi ha ki bnai May heiwa da kamai ko Rs. 319.64 lak ha u May 2022, Rs. 358.18 lak ha u 2023, Rs. 288.58 lak ha u 2024, Rs. 358.60 lak ha u 2025 wa Rs. 395.60 lak ha u May 2026.

Related posts

Yap ki chi yung du neidaw wa kwah iPhone u khon

August 22, 2026

Ka sorkar MDA-2 thok hi-eh ko heiyatoh wa ka MRSSA, mut ki wa ki paidbah ym tip ki wa chah thok: Mukul

August 22, 2026

Ka NFR da ong ko wa da joor bha i dawa ki paidbah wow chong ha kani ka rel heiwa da antaad wa ha u June 2026 daw kamai ko Rs. 370 lak.