U Montri Rangbah ka jylla Meghalaya, u Conrad K. Sangma, ynne da kaweh lama u ya 5 tylli ki Electric Bus kiwa da yoh hapoh ka PM eBus Sewa Scheme ha ka yalang wa da pynman ha Taraghar–State Guest House, Shillong.
Kini ki Bus toh kiwa em Air-Conditioner, ki wym em pynmih tdem wei kiwa ye u lai 180 hadooh 200 Km hei chisien Charge yei Battery.
Kawi ka Bus toh kawa ye u kit 25 ngut ki bru deiwa chong mar ar ngut chiliang wei em ki leh ya ka thaw ku ya kiwa pynemkaam Wheelchair.
U pynemkaam ki leh ya ki E-Ticketing System yow pynsuk yei lai i wan.
U Conrad hawa e yei klam, da ong u wa kam uwi na kiwa pynemkaam ya ka kari bordiñ, da chem u wa kini ki kari ye u Charge ki pyn hapoh yung wei toh kiwa biang bha u pynemkaam ha Meghalaya kawa em boon ki riat neibhah kini ki kari katni manda pynemkaam Brake da pna Charge ki yei Battery.
Hapoh kani ka Scheme, ka Shillong daw yoh ko sa 50 tylli ki Electric Bus wei kini ki Bus toh kiwa lai wa wan dei por iwa mut lada em uwi donhi u bru hapoh leh daw lai ki ym yang ki hadooh wa dap bru.
U Dr. Vijay Kumar D, Commissioner & Secretary ka Urban Affairs Department da pyntip u wa heiyatoh wa ki Bus Diesel kiwa dang dep wow pynlait ini wa dep, 15 tylli na ki 30 tylli toh kiwa da sdang wow kamai la 3-4 bnai heiwa da yoh kreh 50 ngut ki khynroo wei ki bru wa pynemkaam ki da ku chadooh 3,000 ngut chi sngi.
Da pyntip u leh wa ha ki 6 bnai wow wan daw em 150 tylli ki Bus Diesel deilang ki Electric Bus yow kit ya 60,000 ngut ki bru man-ka-sngi.
Discussion about this post