March 9, 2020
1 Comment
Advertisement
U Heimonmi Synnah uwa nadooh wa kha duna i bor kti u, da thoh u yaka Exam SSLC deiwa ksoh ya u khulom da ki pariam kjat ha Mowkaiaw Centre.
U khon u Bnein Lamare waka Aimaia Synnah kiwa na Laskein, West Jaiñtia Hills, u Heimonmi nadooh wa dang khian u da lai skur u ha ki skur wa lai lang kiwi, ym toh ha ki skur wa kyrpang ya ki bru wa duna hei doh i pran wei hapyrdi wym em ya ki kti ym em dooh mynsien u heiwa ha uni u snem da yaleh u yaka Exam SSLC 2020.
Da man u u khynnah skur ka Saw Lyngdoh Hr. Sec. School, Mowkaiaw nadooh wa chong Class IX u wei chwa ini hadooh Class VIII da lai skur u ha Laskein.
Ya kiwa boon kiwa dooh mynsien ha i puræ puthi hadooh ki manbei manpa wa phah puræ ya ki khon, u Heimonmi u man u kam ka nongmuna wa lada em hi i mon, ka luti wai bait ko.
Ya u Heimonmi da kha ha ka 23-03-2000.
Kam wow pynkynmoo wa yaka Exam SSLC da sdang haka 4 tarik uni u bnai wei daw kut ko haka 16 tarik uni hi u bnai.
Advertisement
