Ka seiñ JSU ynne ka sngi da lai yachem ko wa ki chipai BSF kiwa sonteri ha Amlarem da boon sngi wei ini i em ki BSF harood sarok Amlarem da pynman i ya ki paidbah wow kylli iwa boonjait wei neiliang ka seiñ leh da yoh ko wow yachem ya u Commandant ka BSF Dawki wa u Sub Inspector ka BSF kiwa da pyntip wa ini toh kam chibynta ka Joint Mobile Check Post wei kani u man ko kawa chipor donhi.
Neiliang u General Secretary ka seiñ, u Treibor R Suchen da ong u ya ki BSF kiwa em heini wa ya u Commandant ka BSF Dawki wow dam u pyndik ya i lai i wan ki paidbah wa chong chnong ka thaaiñ neibhah wa man ki leh kiwa wan uiñke suwari cha ka thaaiñ.
Ka seiñ da dawa ko leh ya ki heh ka BSF wow paitsiar ya i psiah i mih ki dkhar Bangla cha India lyngba ki khappood ka thaaiñ War Jaiñtia waroh kawi.
Chooh chooh da ong ko wa i booh ya ka Camp ki BSF ha Amlarem ym em yumut ko lada i rukom sonteri ha khappood man iwa synjor wei ym myntoi wow em ki chipai chadooh Amlarem hanla e bor ka aiñ ya ki.
