Ka khonswet kawa tip kam ka Siba Shadap kawa na chnong Madan Myn-ih kawa chah sumaar ha Diphu Medical College & Hospital (DMCH) ka West Karbi Anglong da yoh ko wow mih noh hadien wa pyndep yei sumaar ko deiwa su u MP ka Diphu, u Amarsing Tisso.
Ka Siba da sdang yei sumaar ya ka nadooh wa chwa u kut u August uni u snem hadien wa da man ko kawa tlot neidaw wym em biang ka baam ka dih heiwa da yoo ya ka da u MP ha ka 24 tarik u August ha West Karbi Anglong District Hospital, Hamren wei deiwa yoo wyrai da phah u wow kit ka cha Diphu Medical College & Hospital deiwa ong wow su u ya ka bai sumaar.
Ka Siba da yoh ko yei chait i khiah wei da mih ko napoh Hospital ha ka 11 tarik uni u bnai iwa da wanrah yei kmen khamtam ya ka beipun ko kawa ri ya ka hadien wa khlaad ka bei ko, ka Kajrot Shadap heipor wa em ko dang 7 bnai donhi wei u pa ko leh da yoh kurim u chawi.
Neiliang ka beipun wa kiwa ha-yung ha-sem kani ka khynnah da pynsñiaw ki yei kmen wei sñiawngooh wa khroo ya u MP yeiwa da kyrchaan u ya kani ka khynnah yow yoh ko yei sumaar wa biang.
Da pynsñiaw leh yei sñiawngooh wa khroo ya u Pynshngainlang Rattane uwa man kam u President ka United Khasi People’s Organisation (UKPO) kamjooh u Chairman yong ka Education Board, Rongkhang Block, KAAC uwa da yarap ya ki nadooh wa sdang khlem sangeh hawa chah sumaar ka Siba.
Puræ leh: Su u MP ka Diphu yei bai sumaar ka khonswet wa tip kam ka Siba Shadap
Discussion about this post