Hadien wa kut ka yalang ka UDP Mowkaiaw Constituency wa da man ha chnong Samatan ynnin ka 16 tarik yow pynskem ya kiwa ksohkaam ka Party ha ki san tylli ki chnong kiwa napoh ka Elaka Mynso kiwa kynthup ya ka Samatan, Thadialong, Lummuriap, Thadbamon waka Sookhlieh. Neiliang u President UDP Mowkaiaw, u EC Dkhar da ong u wa oo hi samen da kyntait u ya u Habahun Dkhar uwa man u kyrtong ka NPP na kani ka Constituency.
U EC Dkhar da ong u wa katkam i yatoh wa u Habahun Dkhar wei katkam i kheiñ ki jaitbru Pnar da toh u kam u ya u Habahun kam u Makham.
Da ong u leh wa i daw wa ymbien u wow kyrchaan ya u Makham u toh wa u Nujorki Sungoh wa pait ya uwa dooh wa duk wa i chitom i saja ki khon ka Constituency.
Heiyatoh wa i kyrchaan da kiwi ki MLA wa ki Montri sorkar na kiwi ki Constituency, neiliang u EC Dkhar da ong u wa ki paidbah hi kyrchaan ki ya u bru wa pait wa yoo yei bha i miat yong waroh lang.
