Hanlada em du ar MLA, kam u Kohli wa ka BJP da ku bha ko hapoh Meghalaya

Shillong: Ka Bharatiya Janata Party (BJP) da pynsñiaw ko wa ka party du ku bha ko ha kani ka jylla hanlada yoh ko du ar ngut donhi ki MLA na ka Election MLA wa dang dep wot ha uni u snem.

Hawa yaklam wa kiwa pathai khubor ynne ka sngi ha Shillong, uwa e ktien ka BJP uwa pait leh ya ka Meghalaya, u Nalin Kohli da ong u wa i wym ye ka party wow jop boon ngut ki MLA ha kani ka election wa dang dep boi em i bakla ha i rukom pynlai tangwa hawa pait ya i rukom yoh vote ka party da ku bha i hawa wyrchaw wa ki snem wa dadep.

Hawa jubab ya i wymye ka BJP wow sooh thied ha Meghalaya ha ka election wa dang dep, u Kohli da ong u wa man i iwa sakhiat wa yoh ka party du ar ngut ki MLA, tangwa da rap ku won ko bar ya ki por wa dadep.

“Jop i ar ngut ki MLA, da rem salit ki ar ngut wei man wa ar i ha ki ynñiaw tylli ki Constituency, iwa mut wa ka party da rap ku ko katni na ka 1.5 percent wa jooh yoh, ha kani ka kynti won da yoh i kamwa 10 percent ki vote ha kani ka jylla,” da ong u Kohli.

Related posts

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Da ong u wa ka BJP em ko jar ki rukom krehkaam wei ka party chah hikai ko nei chah pynrem wei daw pynbha ko yeiwa duna.