15 49.0138 8.38624 1 0 4000 1 https://wyrta.com 300 0

Hanlada slem, tangwa i kaam neibynta i kreh ya ki sarok man i iwa lai chaphrang: Prestone

0 Comments

Shillong: Ka sorkar jylla da pynsñiaw ko ya ki kaam neibynta wow chna ya ki sarok wa bha ha kylleiñ ki bynta yong ka jylla wa da lai ki chaphrang wei ya kani ka kaam da e laad ha ka National Highways & Infrastructure Development Corporation Limited (NHIDCL) wow pyndep ya i emkaam waroh.

Hawa yaklam wa u montri ka Public Works Department, (PWD Roads) uwa man leh kam u symbood montri Rangbah ka jylla, u Prestone Tynsong da ong u wa kini ki kaam wow chna ya ka sarok da ka NHIDCL da lai ki chaphrang wei ym slem de u sdang noh u kreh ya ki.

Advertisement ad1

Hajrong wa slem u sdang kreh neibynta kiwa boon tylli ki sarok wa da e kti ha ka NHIDCL, neiliang u Prestone da ong u wa slem toh neidaw wa haap wow pyndep ya ki le tylli kiwa emkaam, kiwa kynthup nadooh wa kammon wow pynyabi ya ki sarok, u yoh ya ka No Objection Certificate (NOC) na ki le tylli ki Distrit Council, wow yoh yei bor chna na ka Forest Department wow pynhaap ya ki thaw wa em khloo yow yoh u pynlai ya ka sarok.

U Prestone da ong u wa em ki kreh kiwa da lai smat kam u sarok wa lai lyngba ka Mawngap-Mawphlang-Weiloi-Mawkyrwat-Ranikor, na ki soo bynta dadep hadooh katni ar bynta wei ka kaam dang lai hi ko chaphrang wei kawi won ka sarok toh kawa pynyabi na Nongstoin-Rambrai-Kyrshai-Chegaon leh man ko kawa lai bait.

Hei yatoh won wa ki sarok ha ri-loom Garo, ka sarok na Tura cha Dalu dang yang wow pynmih donhi ya ka Work Order, katwa neibynta ka National Highway (NH) 127 (b) da man ko leh kawa lai chakhmat wei ym slem de daw khut Tender noh, katwa ya ka sarok na Nongstoiñ-Wahkaji-Ranikor dang em i thut heini heitai.

Heiyatoh won wa ka mang poisa neibynta kini ki kaam wa pynkreh waroh, u Prestone da ong u wa ka sorkar dang yang ko ya ka Detailed Project Report (DPR) na ka NHIDCL.

Advertisement ad1

0 Comments

Leave a Reply