Jowai: Ka 4th Winter Camp Cum Youth Leadership Training yong ka Meghalaya Bharat Scouts and Guides- Jaiñtia Hills District Association kawa da pynman ha Thlumuwi, Shkenpyrsit nadooh ka 7 tarik uni u bnai da poi ko chawa kut ynne ka sngi.
Ya kani ka Camp da wan wai da u CEM ka JHADC u Andrew Shullai wei ha kani ka Camp ki khynnah da yoh ki chiboon i myntoi.
Ha kini ki 5 sngi da hikai ya ki khynnah ya kiwa boon ki kaam wa yatoh wa ka MBS&G, kam i e sumaar wa bran bran namo First Aid, wow chna thaw sah wa chipor wa tip leh kam ki Improvised Shelters, wow kdoh tylle hawa e yarap ya kiwi kiwa emkaam yarap, kammon wow pynkop diñ da ki tiar wa e ka rymaw, i pynyoo sap ki khynnah la hei rwai i chaad wa kiwi kiwi, i lai kjat cha loom namo trekking wa kiwi kiwi.
Ha kini ki sngi da khana wei da pynsñiawthooh ya ki khynnah chaphang ka thong wa ka yurim yong ki Scouts & Guides, da hikai ya ki chaphang ki phang wa emkaam u tip ki hei yatoh wa ka ri India waroh kawi.
Ya kani ka Camp da wan sakhi leh da ki heh yong ka MBS&G na Shillong kiwa kynthup ya u State Organizing Commissioner, u Assistant State Organising Commissioner wa kiwi kiwi.
Kamwa ong i kyntien yong ka MBS&G ‘Once a Scout/Guide always a Scout/Guide’ iwa mut chisien wa da man kam ki Scout namo Guide da neh i man kam ki waroh chi rta kamtæ da wa sakhi leh ya ka da ki dkhot wa kiwa kitkaam warim yong ka kiwa kynthup ya u O. Lamin, u SD Laloo, u O. Shylla, u H. Law, wa kiwi kiwi.
Ar-le sngi chwa wow kut kani ka Camp da hiar u slap wei da joor ka la-ær wei hanlada kattæ leh i mynsien chongchit yong ki khynnah Scout wa ki Guide man i iwa ym pleh heiwa kiwa boon hi ki kaam da man ki kiwa lai bait hadooh ka sngi wa kut kani ka Camp.
Discussion about this post