15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Suba ka KSU-JHDU wa emkti ki wa kreh pynyoh Aadhaar wa u Nepali wa e RC cha ki baar jylla yow pynyoh Aadhaar

0 Comments

Jowai: Ka Khasi Students Union Jaiñtia Hills District Unit da pyntip ko wa hadien wa tip ko wa em u Nepali wa tip kam u Krishna Sapkota wa e Residential Certificat thok u cha ki Nepali, ki Bengali wa kiwi ki baar jylla kamjooh wow pynoh Aadhaar ya ki, neiliang ka seiñ wa u Waheh Chnong ka Latyrke da lai yachem ki wa u SP ka East Jaiñtia Hills wow takit bniah ya ini.

“I da suba joor i wa emkti ki bru wa e Contract ka sorkar neibynta wow pynyoh Aadhaar, wei katkam wa ong ki paidbah kiwa yaleh wow yoh Aadhaar wa yieñ ki nadooh i step katwa uni u Khrishna Sapkota psiah mih u khlem em wa pynwit ya oo,”da ong kiwa yahkhmat ka seiñ.

Chooh chooh da ong wa manda wan u Krishna, kiwa kreh da khang ki ya kiwon kiwon wow psiah cha ka thaw yaleh Aadhaar.

Neiliang u SP da kular u wow chimkhia ya ini wei wow kem ya oo wa kiwi kiwa emkti.

Ka seiñ leh da yachem ko wa u DC ka East Jaiñtia Hills wow paan bor wow khyndang wei wow chem ya kiwa pynemkaam ya uni u Krishna wow yaleh Aadhaar.

Neiliang u DC da kular u wow chimkhia ya ini i kaam wei da paan por u chi tayaw wow sylli ya waroh ki kot ki sla wa artatien wei wow pyndam noh ya waroh ki Residential Certificate wa thok wa chukor.

Hajrong ini i kular yong u DC, ka seiñ da rai ko wow yang chipor wei ym chong kli kti ko wei daw booh ko chisyndon da ka RTI yow tipbniah wei wow sñiawthooh yei boon ki baar jylla wa pynpsiah pyrtuid khlem yoh i pynsakhiat wa tikna.

Ka seiñ da ong ko wa u Krishna da chim u T. 700 hadooh T. 800 na uwi u baar jylla neibynta wow pynyoh Residential Certificate hei pyrtuid u Waheh Chnong ka chnong Latyrke. Da leh u ya ini deiwa biah sia lieh ya ki Serial Number kiwa em ha ka Residential Certificate wei da pynemkaam u da ki Xerox Copy ya kiwa yaleh Aadhaar.

Neiliang u Waheh Chnong ka Latyrke da pynsñiaw u yei khyrngiat yeiwa leh u Krishna wei ym tip u wa kammon kini ki Residential Certificate poi ki cha kti yong oo.

Share this:
Previous

Hanlada wow slap ka la-ær poi ka 4th Winter Camp ka MBS&G-JHD cha wa kut

Next

Chah pynbaad wa sih ki EVM toh du heipor wa jop ka BJP donhi wei manda jop da kiwi ym em wa ong: Shibun Lyngdoh