Hap e Trading License ka JHADC neidaw wa da biang NOC ki baar jylla wa e ki waheh chnong

Ka HITO Jowai Circle ynne ka sngi hei yahkhmat u Deibormi Siangbood kam u President da lai booh dorkhat ko ha u CEM wa EM kamjooh ha ka Licensing Officer ka JHADC.

Kani ka dorkhat wa da booh da ka seiñ toh wow khang ya ki waheh chnong wym toh u e kulmar ki ya ki NOC cha ki baar jylla.

Ka seiñ da kylli bniah ko heiyatoh wa ki License wa neiyi i daw wa pynman ya ka Council katwa dang lai ki sngi dang boon ki baar jylla kiwa yoh License.

Hajrong ini neiliang ka Licensing Officer da pynche ko wa i e License ya ki baar jylla toh neidaw wa da yoh ki ya ka NOC lyngba ki waheh chnong yeiwa ka seiñ da dap ko dei sñiawkhia wa joor.

Chooh chooh neiliang ka seiñ da phah khang ko ya ka Council wa waroh ki waheh chnong khamtam kiwa em ha ki thaw khayi namo ki Commercial Area kam ka Iawmusiang, New Hill, Ladthalaboh wa Mihmyntdu kamjooh ka Phramer wym hoi de u e kulmar ki ya ki NOC cha ki baar jylla lait noh ya ki kaam wa ki tre-ri tre-muluk ymye ki u kreh u khih.

Related posts

Sñiawkhia ka KSU yeiwa pynemkaam kiwa chong chnong ka Mutong da ki siej yow taan bordiñ cha ki yung ki sem

February 1, 2026

Daw thied thaw chooh lada emkaam wow pynheh ya ka Shillong Airport: Sniawbhalang

February 1, 2026

Ka seiñ da maham ko leh ya kiwa boon kiwa chongdai madan wa da pynemkam bakla ya ka License yong ki khlem bood ya ki kyndon yong ka Council deiwa tyrwa ki ya ki mar na iwi i thaw cha iwi tawon.

Ka seiñ da paan ko ya i krehlang khnang wow yoh myntoi ki bru Pnar, neibhah katkam wa man katni boon ki bru Pnar wa yap khih yap khan wada sih ware ka yaaw, wei lada pait cha u Dkhar won biang bait ki.