Kiwa kyrchaan yong ka Voice of the People Party (VPP) da sdang ki wow pynkulmar ynne ka janmiet katwa ka yalang yong ka kyrtong ka National People’s Party (NPP), ka Dr. M Ampareen Lyngdoh da lai yalap ko ha Umsning, Ri-Bhoi District.
Hachwa ini, ka VPP da pynman ko yaka yalang yalap Election ha madan kawa em ha yaaw Umsning, wei hadien wa kut ka yalang ka VPP, da em sa ka yalang yong ka NPP ha pchem yong ka Auditorium kawa em ha katai hi ka yaaw. Tangwa katwa ka Ampareen dang e ko yei klam da em ki kattu katni ki bru wa em cha rood cha kiar kiwa da sdang kbai ha u “Prah…ha u Prah”.
Neiliang ka Ampareen da pyrchang ko wym ap tangwa i kbai dang pteiñ i, heiwa ym yohsa ko wow ong ya ki wa da dep yoh ki ya ka laad yong ki wei wow liwan noh ki cha yung yow lait u mih kulmar neibhah da wan ki heini ymtoh wow chah kbai ha ki Party wa khlem yurim.
I chongchit kiwa kyrchaan Prah ym kut i wot hadien wa ka kyrtong ka NPP wa kiwi kiwa yahhkhmat da mih ki wei da pteiñ ki wow kbai ha u Prah hadooh wa hap wow wan da ki pulit yow kit noh ya kitai ki bru.
Discussion about this post