Ka KSU ynne da lai yachem ko wa u Prof. (Dr.) Nalin Mehta, Director ka NEIGRIHMS hajrong i chah leh chiliang ki jaitbru ka jylla kiwa yaleh kreh neibynta ki Group B wa Group C Post heiwa da booh thaw thoh Exam ya ki cha baar jylla iwa da pynchrai ya kiwa boon kiwa da sñiaw wa da em wa leh chynnam yeini yow lait ki u yoh ya kini ki kreh.
Ka seiñ da ong ko leh wa kammon heiwa ka NEIGRIHMS toh kawa em ha Meghalaya tangwa hap wow lai yaleh kreh cha baar jylla wei ini ymtoh i sien wa nyngkong wa jia ini neibhah hap wow sñiawthooh wa kiwa boon wa yaleh kreh toh kiwa dooh wa duk wei man iwa eh ya ki wow lai cha kiwi ki jylla, kamtæ da dooh ki yei hok wow yaleh kreh.
Chooh chooh da kdaw leh wa ki Admit Card toh kiwa slem bha u poi iwa da duna por bha yow ye u pynkhreh yow lai cha kiwi ki jylla wot ya kitu kiwa em bor em poisa leh yow thooh thaw sah waki laad wow poi cha kini ki thaw yaleh Exam.
Sa iwi leh da kdaw iwa emkaam wow pynbait toh wa em kiwa yaleh ya kiwa boon ki kreh hapoh ka Group B wa Group C tangwa kini ki Exam da pynman haka jooh ka sngi iwa da pynman biang ya kiwa yaleh kreh wow dooh ki yaka laad wei da pynlut phut neibhah ya ka bai Exam da dep ki wow su.
Kamtæ da ong wa kitu kiwa da jied wow thoh yaka Exam hapoh ka jylla toh u e laad u leh ki yeini hapoh ka jylla hi wei ka NEIGRIHMS toh u pynman hi ko ya ki Exam heithaw wow e kti cha kiwi neibhah kitu kiwa pynman Exam kiwa na baar ym sñiawthooh ki yei eh kiwa em hapoh ka jylla.
Discussion about this post