Hadien wa kiwa yahkhmat ka Bharatiya Janata Party (BJP) na Delhi da pynbna ki wym sai kyrtong na jylla Meghalaya wow yakhun yaka Election Lok Sabha 2024 wei da rai wow kyrchaan ya ki kyrtong ka National People’s Party (NPP), boon na kiwa kreh wa kiwa kyrchaan ka BJP da pynsñiaw ki yei wym hun hajrong ini i rai, tangwa da pynsñiaw ki leh wa hap wow kohngooh yei rai yong kiwa yahkhmat na Delhi.
Kamtæ ynne ka sngi kiwa yahkhmat wa kiwa kyrchaan BJP da yachem jhan ki wow pynsñiawthooh ya ki bru ka Party hajrong ini i rai kiwa yahkhmat na Delhi.
U President ka BJP Meghalaya, u Rikman G Momin wa uwa e ktien ka BJP, u MH Kharkrang da ong ki wa da em i pynsñiaw na kiwa kreh ka Party wym sñiaw yahaap wa ka Party ym sai kyrtong ko ha kani ka Election, tangwa kiwa yahkhmat da pynsñiawthooh ki leh ya kiwa kyrchaan ka Party wa hap ki wow kohngooh ya kiwa yahkhmat na Delhi.
Discussion about this post