Ki dkhot ka Hynniewtrep Integrated Territorial Organisation (HITO), wa kynthup ya u President, u Donbok Dkhar da lai mih ki cha ka yung bichaar ynne ka sngi hadien wa da dep yoh jamin neidaw wa da pynkulmar ki iwa da jia ha ka 4 tarik u bnai, wei kani ka yoh jamin da kut noh ko ynne ka 11 tarik.
Hawa pyrchang wow yaklam wa u President ka HITO da kyntait u wow khana iyi iyi hajrong ini i lai yong ki cha ka yung bichaar khamtam hadien wa ka Anticipatory Bail wa da yoh ki rap hachwa da kut noh ko ynne ka sngi, tangwa neiliang uwa yahkhmat ka HITO da ong hi-eh u wa i rai yong ka yung bichaar man ko i jooh kamwa ini wa dep wa da pynmih ha ka tayaaw wa da dep, wei hadooh wa wanrah ya kani ka khubor ym pu em da yoh ya ka hukum na ka yung bichaar.
Kam wow pynkynmoo wa ki 5 ngut kiwa yahkhmat ka HITO wa kynthup ya u President, u Donbok Dkhar, u Wanbun N Dkhar, u Shaniah S Nongrum, u James Lyngdoh Nongpyiur wa u Gary S Myrboh ha ka tayaaw wa da dep da yoh jamin chwa ki deiwa yaleh ya ka Anticipatory Bail na ka yung bichaar yong u Additional Session Judge, Shillong hawa yatoh wa i kulmar wa da mih ha ka 4 tarik ha ki thaaiñ Kashari Point.
Katkam ka hukum wa da pynmih da uwa bichaar, ini i yoh jamin chwa kini ki 5 ngut toh deilang wa ki kyndon wa hap ki wow lai mih hakhmat u sahep pulit u wow takit hachwa ka 11 tarik uni u bnai wei wow e ki yei ya krehlang hajrong i jia ini wa dep wei ka yung bichaar da chong ko wow bichaar biang ya kani ka mukotduma ynne ka sngi.
Discussion about this post