Ki dkhot ka KSU West Jaiñtia Hills District Unit deilang wa kiwa chong chnong ka Lapangap ynne da mih paidbah ki hadien wa tip wa daw wan ki Karbi dei thmu wow phut wow kynjroi ya ki dieñ wa da thung ki kiwa da yoh na ka Meghalaya Basin Development Authority.
Ka seiñ da ong ko wa manda poi ha itai i thaw ym em wan ki Karbi tangwa da man ki kiwa da pynkhreh yow yada wei da yoo donhi ya ki Karbi kiwa em cha chiliang deilang wa ki pulit wei ini da man ko du kam wow pynchrai donhi ya ki paidbah.
Ka seiñ da maham ko leh ya ka Karbi Student Association (KSA) kiwa da wan wow pyntieñ ya kiwa chong chnong wa em ha khapood.
Deiwa maham chooh chooh wa lada sdang ki, ka KSU man ko kawa smat wow pynkut wow pynyoo dei kaam.
Hawa kut ynne ym jia iyi iwi wa sñiawsih næ i awri awra hadien wa ki pulit ka Assam wa Meghalaya da ye ki wow pyn jai-jai.
Kamtæ da e por ka seiñ ya ka sorkar wow pynbait smat ya ini i kaam lym kamtæ daw thooh ko da ki luti wa khor.
Discussion about this post