I pynman ya ka State Level Mock Exercise deiwa pyndur wa khih khmi wa da pynman hapoh waroh kawi ka jylla ha ka 20 tarik heiwa hapoh ka Pynursla Civil Sub-Division leh da leh yeini i jooh tangwa da wanrah ko yei sñiawthooh bakla deiwa em ki bru wa ngait wa khih khmi sakhiat.
Kam wow pynkynmoo wa neiliang ka ADC ka Pynursla Civil Sub-Division ha ka sngi chwa wow pynman ya ka Mock Exercise da pynbna paidbah ko wa daw khang chibet chipor ya u sarok Shillong-Dawki ha i bynta ka chnong Rngain donhi nadooh 9:30 i step hadooh 11:00 waje i step.
Hajrong ini, neiliang ka ADC da hap pynche ko cha ki paidbah wa da em kiwa ngait wa khih khmi sakhiat hadooh wa oor khyndaw iwa man i daw wa khang noh ya uni u sarok.
Ka ADC da pynche ko leh wa i khang ya u sarok toh neibynta wow leh ya kani ka Mock Exercise wei ymem khih khmi wei kani man ko du kam chibynta wow pynkhreh lada jia wa khih khmi.
Da ong ko leh wa dadep pynbna paidbah chwa wa daw leh yeini, kamtæ da e khublei ko yei yaichah ki paidbah wei da sihlet leh wa lada deiwa leh yeini da wanrah ko i pynkulmar ya ki paidbah.
Discussion about this post