Ka tamasa wa heh hapoh Garo Hills kawa tip kam ka Me’Gong Festival kawa le sngi kawa toh u sdang ynne ka sngi ha Baljek Airport, Jengal kawa em hajan Tura, West Garo Hills da hap pynpep noh ka ynne ka sngi neidaw wa pynthut u slap.
Hanla kattæ leh da wan hi wow wai yaka da u Montri ka chnat Tourism, u Paul Lyngdoh tangwa ym em wa yoh u tem u rwai heiwa ha kani ka sngi kiwa pawnaam wa yang ki bru wow tem toh ki Parikrama.
Neiliang kiwa pynman da pyntip ki wa waroh kiwa da booh wow rwai u tem ynne ka sngi daw rah ki cha ka 8 tarik wa 9 tarik.
Ha kani ka tamasa daw em leh ki Vengaboys kiwa na Netherlands kiwa daw wan pynwyrngia haka 9 tarik.
Kam wow pynkynmoo wa ini wa dep, ka Cherry Blossom Festival leh da hap wow pyndep yaka sngi wa nyngkong neidaw wa leh u slap wei ya kani ka jooh ka tamasa da pynman da ki jooh deilang waka Meghalaya Tourism.
Discussion about this post