Shillong: U Symbood Montri Rangbah ka jylla, u Prestone Tynsong da ong u wa ka seiñ Hynniewtrep National Liberation Council (HNLC) toh u sangeh noh ko ya ki kaam pyrchah aiñ ki kaam pyntieñ pynsmiej yong ka lada kwah ko wow klam yasuk noh wa ka sorkar.
Da pynrap u leh wa ka sorkar daw pynchitom ko ya kiwon kiwon kiwa leh ya ki kaam pyrchah aiñ.
Neiliang u Prestone da ong u wa ka sorkar jylla da rah ko yei kwah yaklam yasuk ka HNLC cha ka sorkar pyrdi wei chong i ha ka sorkar pyrdi wow leh yeiwa emkaam.
Hajrong i yoh kem ya ki tiar tympdung na East Jaiñtia Hills hadien wa ka HNLC da kam ko wa emkti ko hei kaam wow tympdung bom ha Sookilo, neiliang u Symbood Montri Rangbah da ong u wa em ki bru wa yohbor namo em License wow pynemkaam ya kini ki tiar tympdung ya kiwa emkaam u e yukheiñ man ka 3 bnai cha ka sorkar.
