Ki pulit ka Ri-Bhoi District ynne i janmiet heipor kamwa 6:00 waje da hap ki wow siat chi kuli cha suiñ yow yoh kem ya ki damaok kiwa lute ya ki Truck ha surokbah NH-6.
U Addl. Superintendent of Police ka Ri-Bhoi, u B. Jyrwa da khana u wa uwi uwa yah Truck da lai pyntip u cha ki pulit wa pynsangeh kari ha Saiden wa em kiwa lute ha u sarokbah ha ka thaaiñ Umtrew, wei mar ya tip yeini, ki pulit ka Umïam wa Umsning da lai thooh ki ya kini ki damok kiwa da yut da kawi ka kari Scorpio ka wym em Number Plate mar ya yoo ya ki pulit.
Da pyntip u wa kini bru da tyrrah ki ya ka thaw pynsangeh kari wa da pynyang ki pulit dei thmu wow pynyap lang ya ki pulit wei hadien chiteiñ kynta i kdong ya ki da yoh wow ksoh ki ha Nongpoh heipor wa psiah chapoh ka Service Lane.
U Jyrwa da khana u wa hap wow siat kuli toh neidaw wa i thmu toh wow kem bait ya kitai ki damok ha kawon kawon ka rukom.
Da pyntip u leh wa kitai ki damok toh kiwa tip pyrtuid kam u Deep Das uwa na Bokakhat uwa yah kari, u Pradeep Gogoi uwa na Lahoal Dibrugarh, u Tulang Phukan na Lakhimpur wa u Pranjal Gogoi na Tinsukia kiwa waroh na Assam.
Uni u heh u pulit da khana u leh wa kini ki damok da thmu ki wow rahbor ya uwi uwa yah Truck tangwa da yoh wow pynlait noh da ki pulit.
Ki pulit kattæ dang pynman ki yei takit ya kini ki damok katkam ka aiñ.
Discussion about this post