Hap tipmit noh ya ka ri Mizoram lada pynman aiñ ya ka CAB

U montri rangbah warim ka jylla Mizoram uwa man leh kam uwa yahkhmat ka Congress u Lal Thanhawla ynne da chimbynta lang u ha ka yalang pyrchah ya ka Citizenship (Amendment) Bill 2016 wa pynman da ka NGO Coordination Committee ha Aizawl deiwa rah ya ka Banner wa ong “Hello Independent Republic of Mizoram”.

Ka NGO Coordination Committee toh ka satri wa em hapoh yong ka ki seiñbhlang kiwa pyrchah ya ka CAB.

U General Secretary ka Committee u Lalhmachhuana da ong u wa da pynman ya kani ka yalang pyrchah ynne ka sngi wa da wanrah biang ya ka CAB ha Rajya Sabha man ko wow pyrchah pynman aiñ ya kani ka Bill wei lada man aiñ ko daw man snaw ka yakhih kawa daw joor bha.

Uwa e ktien ka Congress u Lallianchhunga da ong u wa u Thanhawla da emlang u waka kurim u ha kani ka sngi pyrchah ya ka CAB wei daw pyrchah ya kani ka Bill hadooh wa kut i mynsien da pyntip u Lallianchhunga.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang ka Congress Party’s Unit ha Mizoram da ong ki wa kani ka Bill toh kawa maa bha wei u heh ka PCC da pyntip u wa waroh ki paidbah ka Mizoram yatylli ki wow pyrchah ya kani ka Bill.