Hapoh 10 tarik paan jubab ka Dorbar Ki Waheh Kur Ri Jaiñtia yei pynkhreh ka JHADC u tipmit da ka aiñ ya ki kur ki jait

Ka Dorbar Ki Waheh Kur Ri Jaiñtia lyngba u President, u Khroo L Pariat, u General Secretary, u G.H. Bareh ha ka 1 tarik uni u bnai da lai li e ki dei thoh ha u Thombor Shiwat, Chief Executive Member ka JHADC wow kyrpaad ya oo neibynta u pynsmat chna aiñ booh ryntih (Codify) wei pynskem ya ka jait ka kur wa chim na ka bei ka tre wa kha kamwa da e bor ka Sixth Schedule ka riti krehkaam ka ri India.

Ha ka chithi da ong wa ini i dawa yong ki toh neibynta yow chngaaiñ yow im ka pateiñ dei kheiñ kur kheiñ kha na ka bei.

Kamtæ yooluti ki wa dei chemphang i stat ka EC JHADC ha ka dorbar wow wan u wanrah noh ki ya ka aiñ.

Heijooh i por e khublei ki leh ya ka EC wa ka Secretary JHADC hajrong i smat chimkhia ki wow pdiang yei ujor kiwa boon wa kynthup na ka JSU wa kiwi ki seiñ deilang ki bru samen wow pynbait yei bakla hajrong i tipmit chwa ki ya kiwi ki jaitbru ki wym em yatoh wa ki tre ri tre chnong.

Kamtæ ka Dorbar Ki Waheh Kur leh ban joor ko wow dam chwa u tipmit ya kiwi ki jaitbru ha ka JHADC, kat wym pu dep chwa ka JHADC u chna aiñ ya ki jait ki kur.

Related posts

Pynbna u Modi da ki Fast-Track Court wow bichaar smat ya ki Paper Leak

July 23, 2026

Pynman ka JSU Ummulong Unit ya ka Free Medical Health Camp

July 22, 2026

Heijooh i por da kyrpaad leh ya u CEM wow sñiawbha e jubab heiyatoh i pynkhreh ka JHADC neibynta u tipmit noh da ka aiñ hapoh ka 10 tarik uni u bnai.

Ong ki leh wa ki da man ki kiwa pynkhreh u yakrehlang chirup hei wow chna pynwandur kamwa da jooh pynsñiaw ki neipor cheipor lada sñiaw emkaam ka JHADC ki yei e yumut, i yaraplang na ka Dorbar Ki Waheh Kur Ri Jaiñtia.