Hapoh 15 sngi e por ka HLC wow pynsakhiat ya kiwa sah ha Them Iewmawlong

Shillong: Ka High Level Committee (HLC) da e por ko 15 sngi ya ki bru wa sah ha Sweeper’s Lane, Them Iewmawlong wow rah ya ki kot ki sla wow pynsakhiat wa ki toh kiwa kreh ka Shillong Municipal Board (SMB) ha ka yung krehkaam u CEO.

Hawa yaklam wa ki laad pathai khubor hadien ka yalang kawa san ka HLC, u Prestone Tynsong uwa man leh u Chongknor ka Committee da pyntip u wa da phah ya ki Notice cha waroh ki bru wa sah ha Them Iewmawlong wa toh u lai pynsakhiat ki pyn da ki ya ki hi ha ka yung krehkaam ka SMB hapoh 15 sngi kawa da sdang nadooh 26 tarik uni u bnai hadooh ka 10 tarik u Kamichonglad (Dec) 2018.

U Prestone da pyntip u wa hadien wa dep wow sylli ya ki kot ki sla na ka SMB da chem wa em 128 ngut kiwa kreh ha ka kiwa sah ha Sweeper’s Lane, wei hawa pteiñ ya ka thooh bniah da chem sa 56 ngut kiwi tawon kiwa kreh ha kiwi ki chnat sorkar.

Da ong u wa katkam ka bui (Report) wa da yoh da ka HLC da em 184 ngut kiwa toh hok kiwa kreh sorkar, tangwa ympu ye u yoh lut ya ka yukheiñ neibhah ha i por wa lai sylli kiwa boon ki yung ha Them Iewmawlong toh kiwa khang tylla, kawa da pynman ya ka HLC wow phah ya ki wow lai pynsakhiat biang hakhmat u CEO ka SMB hapoh i por wa da booh.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Da pyntip u leh wa ka Committee da phah ko leh ya u montri wa pait ya ka kaam pynroi sor wow lai sylli u mynstep ka sngi ya ki kattu katni ki thaw neibynta wow kyrriah chipor ya ka yung krehkaam ka SMB, neibhah hadooh katni ka yung krehkaam toh ha i thaw wa da booh yow sah ki wa kreh.

Da pyntip u wa ka SMB da chim ko hadooh 30 tylli ki Unit na kiwa em kamwa 70 tylli wa da booh yow sah kiwa kreh Grade IV ka chnat wei ka yung wa da mang neibynta ka yung krehkaam da pynemkaam da ka Company HM Cement wow pynkreh ya ka Hotel.

Da pyntip u leh wa ka sorkar da pynkhreh ko wow paan ya ka mala wa nyngkong ha katai ka thaw wa booh ya ka Hotel neibynta wow pynman ya ka yung krehkaam SMB, tangwa ini daw chim por i wei ka HLC da phah ko wow thooh chwa da kiwi ki thaw neibynta wa chipor.

U Prestone da ong u wa ya ki 56 ngut kiwi won kiwa kreh ha kiwi ki chnat sorkar daw phah ya kitu ki chnat wow pynbiang ya ki thaw sah yong ki hi.

(Feature Image-File Photo)