Ka sorkar jylla hapoh ka yachem ki Montri sorkar namo ka Cabinet Meeting ynne da mynjur ko yei rta kiwa yaleh kreh ha ki kattu katni ki chnat sorkar heiwa i kreh toh iwa emkaam da ki bru wa dang khynroo wei emkaam leh da ki bru wa khlan i doh i pran.
Kini toh ha ki kaam ka chnat Home (Police), Excise Registration Taxation & Stamps, Civil Defense & Home Guards, ka Department of Prisons & Correctional Services waka Forests and Environment Department.
I rta wa khian dooh (Minimum Age) yong kiwa yaleh kreh toh 18 hadooh 21 snem wei ka rta wa heh dooh (Maximum Age) toh 27 snem neibynta ka chnat Excise Registration Taxation & Stamps wa 32 snem neibynta ka Civil Defense & Home Guards, ya ka Forests and Environment Department won u man ko 30 hadooh 32 snem katwa kiwa yaleh kreh Home (Police) Department ka rta wa khian dooh toh 21 snem wei i rta wa heh dooh toh 27 snem.
Ka sorkar da pynbna ko leh wa ha kini ki 2-3 tayaaw daw pynbna noh yei lait kreh ha kini ki chnat kreh sorkar kiwa em palat 3000 tylli haka Home (Police) Department wa kamwa 500 tylli haka Civil Defense & Home Guards Department.
Discussion about this post