15 49.0138 8.38624 1 0 4000 1 https://wyrta.com 300 0

Hapoh 30 minit thung ka Adhunik 25,000 tylli ki tre dieñ

0 Comments
Advertisement ad1

Jowai : Chi bynta u pynneh pynsah ya ka rymaw kamjooh u pynduna  ya ka la-ær jakhlia ha kani ka sngi Chohthat 16 tarik ka Adhunik Cements Limited kawa man ka tnat yong ka Dalmia Bharat Limited wa em ha ka chnong Thangskai East Jaiñtia Hills District da pynman ko ya ka tamasa thung dieñ ha pchem kani ka Karkhana.

Yeini i thung dieñ ha kani ka thaw da man ka sien wa ar, heiwa nyngkong da thung kamwa 5 hajar tre wei kamwa 80% kiwa im, ha kani ka kynti won da thung hadooh kamwa 25 hajar tre wei 52 tylli ki jait dieñ. Da ye u pyndep thung dieñ du hapoh 30 minit da ki 800 ngut wa yachim bynta.

Yeini rukom thung dieñ ha kani ka thaw da leh katkam i rukom thung dieñ ki nong Japan wada tip  kam ka “Akira Miyawaki Method” hapoh i yahkhmat u Dr.Santanu  Dutta, Scientist Central Pollution Control Board, Zonal Office Shillong Meghalaya wa u Dr. V.P. Upadhyay, Advisor Ministry of Environment, Forest and Climate Change, Regional Office Shillong Meghalaya wei yakrehlang u Dr.K. Sridhar Unit Head ka M/S Adhunik Cement Limited Umsoo Mootang, Thangskai East Jaiñtia Hills District.

Ini i rukom thung dieñ ha kani ka thaw phær ko na kiwi tawan i rukom thung, neibhah ha kani ka thaw da thung khah bha wei da pynkhleh boonjait ki jait dieñ hei thmu u pynman kam kawi na ki khloo ha pchem kani ka Karkhana manda heh ki wei u yarap wow pynduna ki leh ya ka la-ær tngit.

Da wan emlang ha kani ka tamasa thung dieñ u C.P.Mara, Principal Chief Conservator of Forest, Shillong Meghalaya kam u kongsan, deilang ka kong Dahunlang Veronica Lyngdoh, Extra Assistant Commisioner ka East Jaiñtiia Hills Khliehriat, ki heh ka company wa kiwi kiwi.

dalmia1

dalmia2

dalmia3

dalmia4

0 Comments

Leave a Reply