15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Hapoh 31 tarik uni u bnai epor ka MSSASA ya ka sorkar yow pyllait tulop

0 Comments
Advertisement ad1
Advertisement ad1

Shillong : Kam chibynta wow pynbor ya ka sorkar wow pyllait ko ya ki tulop wa dang sah nadooh ka 1 Naitung (April) 2016 hadooh u Thohlakhmi (February) 2017 wa ka tulop wa chi bnai yong u Wisu (March) yong ki 12,481 ngut kiwa sikai SSA hapoh ka jylla kamwa da pynthymme (Revised Pay) da ka SSA-SEMAM ha ka 31 Naichiphaw, 2016, ha kani ka 25 tarik uni u bnai ki 3 ngut kiwa mihkhmat yong ka Meghalaya SSA School Association (MSSASA) Central Body hapoh i yahkhmat yong u President, u Aristotle C. Rymbai da yachem ki wa u Ambrose Ch. Marak, State Project Director (SPD) SSA-SEMAM.

Ha ini i yachem u SPD da pyntip u wa na ka mang poisa wa pura (total budget approved) da ka MHRD , ya ka PAB 2016-17 neibynta ka Meghalaya, ka yung krehkaam yong oo emkaam ko kamwa T. 100 klur wow su ya ka tulop (Arrears and Salary) yong u Wisu neibynta ki 12481 kiwa sikai SSA wei ha ka 31 tarik uni u bnai daw ye u pyntip hadooh katwon u yoh ka SSA-SEMAM na ka mang poisa ka jylla (State Budget).

Da e daw u leh wa nei wym phah ya ka mang poisa da ka Ministry of Finance, Department of Expenditure, Govt of India cha ka MHRD, ya ka poisa u phah ha ki 2 bynta (Installment) neibynta ka SSA ha Meghalaya na ka MHRD wei kani dang sah ko, iwa da ktah ya ki 12,481 ngut kiwa sikai SSA yong ka jylla.

Ka seiñ da kyntu ko leh na u SPD wow pyllait noh ya ka tulop wa dang sah neibynta kawi namo ar pawa (1 or 2 quarters)  cha ki 12481 ngut katkam wa em poisa wa da poi na ka T. 100 klur ymtoh u yang ya ka 31 tarik, wow su leh ya ka tulop wa dang sah chirup wa ka tulop wa chi bnai katwa ya kawa dang sah wow su won chisien su manda yoh poisa ka SSA-SEMAM.  Hadien wa yaklam kamwa chi kynta u SPD da ngait u wei daw yaklam u leh chaphang ini wa u Commissioner & Secretary Education Dept cum State Mission Director SEMAM.

“Da pynkynmoo i ya u SPD wa katkam ka Section 7 yong ka aiñ RTE Act 2009, man i leh i kaamram (concurrent responsibility) yong ka sorkar jylla kamjooh ka sorkar pyrdi wow booh bynta ya ka poisa hapoh ka SSA yow pynkrehkaam ya ka RTE Act, wei ha ka 17 u Khonchonglad (November) 2016 da pynmih ya ka chithi na Surbhi Jain, Director, School Education and Literacy, MHRD Govt of India cha waroh ki Education Secretary and State Project Director (SPD) yong ki jylla wa ki Union Territory States/UT’s heiwa da kyntu ya ki wow pynbiang leh ya ka poisa na ka mang poisa ka jylla (State Budget) hadooh i por wa yoh poisa ka MHRD na ka Ministry of Finance. Kamtæ lada ka sorkar jylla ym pynbiang ko yeiwa dawa i hapoh ka 31 tarik ka seiñ chirup wa ki 12,481 ngut kiwa sikai SSA wa ki khon ki kti ki daw pynman yakhih ko ha u Naitung kamwa da maham ka seiñ ya u State Project Director”, da ong u President ka seiñ u Aristotle C. Rymbai.

Share this:
Previous

T. 7000 u e ka 7 Wasa United Sport and Cultural Club cha kiwa jop ha ka yakop chaad

Next

Da “Ka yaaw ka hat” leh ka Theatre Club ka TJSC ha Iawmusiang yow sneiñ ya ki paidbah