Hapoh ar tayaw e por kiwa sikai Deficit ya ka sorkar wow su tulop thymme

Shillong: Kiwa sikai skur deficit hapoh ka lama ka Khasi Jaiñtia Deficit School Teachers Association (KJDSTA) wa ka Garo Hills Deficit School Teachers and Employees Association (GHDSTAEA) da e por ki ar tayaw ya ka sorkar jylla wow pynkrehkaaam wow su tulop thymme ya ki katkam ka 5^thPay Commission wei lada ym leh yeini, daw pynman ki ya i yakhih.

Hawa klam wa kiwa pathai khubor ynne ka sngi, u ED Nongsiang, President ka KJDSTA da ong u wa u Montri Rangbah ka jylla, u Conrad K Sangma da kular u wow pyndep ya kani ka kaam hapoh chiphaw sngi ha i yaklam ha uni u bnai wa dadep tangwa kamwa man hadooh kini ki sngi, ympu em man iyi iyi leh.

Da ong u wa kamwa mih ha ki laad pathai khubor, ka sorkar da ong ko wow yaklam ya ini ha ka yalang ka dhab ki montri hadien ka yalang kawa nyngkong, tangwa ym yaklam ki ya kani ka phang, neidaw wa em kiwi tawon ki kaam, tangwa ha ka yalang wa ar leh ym em yaklam yeini kamtæ da rai wow chim da ka luti wa eh.

Da ong u wa lada ka sorkar ym ye ko u e rai chwa ka 3 tarik Naiynru daw mih noh ki cha madan wow yakhih ha ka jylla.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Kiwa sikai da dawa ki wa ka sorkar toh u su ko ka tulop thymme cha waroh kiwa sikai Deficit nadooh Lower Primary hadooh Higher Secondary ha ka jylla katkam ka 5^thPay Commission.