15 49.0138 8.38624 1 0 4000 1 https://wyrta.com 300 0

Hapoh chi kynta kut ka Dorbar Tlang ka JHADC

0 Comments
Advertisement ad1

Jowai: Ka dorbar tlang yong ka Jaiñtia Hills Autonomous District Council (JHADC) ynne ka sngi da kut heh ko du kamwa chi kynta lyngba i kylli yutip (Question & Reply) wa i kynmoo warom ya ki arngut ki dkhot warim ka Council kiwa da khlaad, katwa ka motion kawa ye u man ka phang wa kongsan wa thmu wow yaklam wow wanrah da u Moonlight Pariat da pyndam noh u ka.

U Moonlight Pariat haka kynta kylli yutip da kylli u na ka Executive Committee katwon wa ka council da yoh dan ko na ki mar pohkhyndaw namo ki Minor Mineral wa Major Mineral nadooh ka 1 Naiynru 2018 hadooh 15 tarik uni u bnai, heiwa A.A.Shullai da jubab u wa da yoh T. 10,36,78,120 naki Minor Mineral katwa T. 14,00,99,017 won na ki Major Mineral.

Advertisement ad1

Hajrong ka dan na ki yaaw ka Council neibynta u snem 2018-2019 u Lamdibok Sumer da pyntip u wa da yoh kamwa T. 26,90,052.

Heiyatoh won wei pynlut wa mang ka Council lyngba ka chnat Forest Department, u A.A. Shullai da pyntip u wa da mang kamwa T. 1,58,900 neibynta wow kær (fencing) katwa T. 1,69,000 won wow thung dieñ, katwa wow chna ya ki thaw thung ya ki tre dieñ namo ki Nursery neibynta u snem 2018-2019 ha chnong Sabah Muswang da mang T. 2,50,000.

U M. Pariat da kylli u leh yei chna ya ka Iawmusiang Complex yeiwa da kreh lyngba i yoh yarap poisa na ka sorkar pyrdi lyngba ka NLCPR Scheme yong ka Ministry of DoNER, heiwa neiliang u H. Lamin wa u CEM, u Madonbai Rymbai da jubab ki wa i kreh da dep kamwa 40% katwa iwa dang sah won toh wa yang wow yoh ya ka 2nd Installment.

Heiyatoh wa i thung Co-Chairman hapoh ka Council, u CEM, M.B. Rymbai da jubab u wa em soo ngut kiwa da thung kiwa kynthup ya arngut ha ka General Department, uwi haka Planning Department wa uwi won ha ka Political Department wei wow su ya ki T. 10,000 chi bnai samen.

Hadien ka kynta kylli yutip kam ka dak wow kynmoo warom ya ki dkhot warim ka yung dorbar namo ki MDC wa da khlaad noh wa kynthup ya u Sawang Lamurong wa ka kong Dr. K. Rymbai kawa man kam ka nominated MDC da suki chipor hadien won da chim ka rai wow phah ya ka khubor wyrai cha kiwa hayung kini ki ar ngut.

Kamwa kani ka dorbar tlang ka JHADC man ko leh ka dorbar wa khaddooh wa ki MDC u yachem ki chirup neidaw wa daw pynman ya ka MDC Election ha u snem wow wan neiliang ki MDC da kitbok kitrwiang ki mar kylliang wow poi biang ki ha ka thong wow jop.

Neiliang u M Pariat uwa thmu wow wanrah ya ka Motion, ha kani ka dorbar da pyndam noh u wow rah yaklam ya katæ wa phang wa thmu u.

Advertisement ad1

0 Comments

Leave a Reply