Ka Meghalaya State Zoo da ye ko wow leh ya ka thong wow pynneh pynsah deiwa kha iwi i khon chrieh ki jait chrieh wa tip kam ki Stump-tailed Macaque (Macaca arctoides), iwa man leh i sien wa nyngkong wa yoh khon kini ki jait chrieh hapoh kani ka Zoo.
Kini ki chi jur toh kiwa da wanrah na Aizawl Zoological Park, Mizoram kam chibynta ka Animal Exchange Programme wei ini i kha khon wei i ye kini ki chrieh wow im ha ka thaw wa thymme pynyoo leh yeiwa biang i sumaar sukhær da ki Veterinary kamjooh i pynlai ya kani ka Zoo katkam ka juk wa katni namo ka Scientific Management.
Kini ki Stump-tailed Macaque toh kiwa da em hei maa ki jait mrad katkam ka IUCN Red List neiwa chah ktah ki thaw wa im ki wei i chah pynthut ha ki bru.
I khon chrieh wa dang kha toh iwa chait wa khiah wei da paitbniah ki da ki Veterinary ka Zoo wei da imlang i wa ka bei deilang kiwi de ki chrieh.
Neiliang u D. Sathiyan, PCCF (Wildlife & Biodiversity) & Chief Wildlife Warden, Meghalaya, da ong u wa ini toh iwa pynchlur wei iwa da jia nei kreh chitom wow pynneh pynsah ya ki mrad hapoh ka jylla. Wei ini iwa ye u leh hapoh ka Zoo ya ki jait mrad wa da em hei maa wow wiar jait, man ko leh kam chibynta wow pynsñiawthooh paidbah yeiwa emkaam u em ki thaw kiwa katkam ka juk wa katni yow ye u yada ya kini ki jait mrad yow pynneh pynsah ki neibynta ki juk wa daw wan.
Discussion about this post