Shillong: U MP na Assam, u Gaurav Gogoi da kob u wa ka Congress daw wan biang ko hei bor hadien ka Election MP ka wow man ha u 2019 deiwa e nongmuna ya ka Election ha ki san tylli ki jylla, heiwa ki padibah da pynsñiaw ki yei wym chaniah de ya ka BJP wei napyrdi kini ki san tylli ka Congress da yoh ko wow synchaar ha ki le tylli ki jylla.
Da pynbaad u wa ka sorkar BJP ha Delhi toh ka sorkar kawa du neibynta ki 15-20 ngut ki heh spah kiwa lute na ki paidbah ka ri India, deiwa pynrap wa ka yakhun ha ka Election cha ka dorbar Parliament poi snem u man ko hapyrdi ki paidbah pyrchah ya kitæ ki 15-20 ngut ki heh spah wa kyrchaan ka BJP.
Heiyatoh waka kaam saiñ pyrthai ha ka jylla, neiliang u President ka Meghalaya Pradesh Congress Committee (MPCC), u Dr. Celestine Lyngdoh da ong u wa ha kani ka jylla (Meghalaya) leh ka Congress daw wan biang ko hei bor (synchaar) hadien ka Election MP 2019.
U Dr. Lyngdoh da ong u wa katni ka Congress e laad chwa ko ya ki paidbah wow bichaar ya kani ka sorkar wa yahkhmat da ka NPP, wei daw e laad ko leh ya ki paidbah wow tip wa iyi iwa da leh kani ka sorkar hadooh katni.
Discussion about this post