Hapoh u pood ka Seng Khasi Ri-War Mihngi em sa 29,053 ngut kiwa ngait ya ka niam Khasi

Shillong: U Dr. D.D. Lapang, uwa man leh kam u Chief Adviser ka sorkar jylla, ynne ka sngi da booh moo-yurim u wow sdang chna noh ya ka Seng Khasi Riwar Mihngi Cultural Hall ha  Pynursla.

Hawa klam ynne ka sngi kam u kongsan, u Lapang da e khublei u ya ka Seng Khasi Riwar Mihngi yeiwa pteiñ ko u yaleh wow chna ya kani ka yung kawa ye won u e i chakri ya ki paidbah.

Da kynmoo warom u leh ya ki khroo pyrkhat kam u Dibir Lyngdoh, u Captain William Sangma wa kiwi kiwi kiwa da yaleh wow yoh ya kani ka jylla Meghalaya.

Heijooh i por da e yaroh u ya ka seiñ kawa da yaleh wow pynneh pynsah ya i rukom im wa kyrpang yong ki jaitbru Khasi.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Neiliang u General Secretary ka Seng Khasi Riwar Mihngi da khana u ya ka parom wa tbian yong ka seiñ ya kawa da sdang ha ka 26, Thohlakhmi (February) 1989.

Ka seiñ em ko 9 tylli ki Committee kiwa e i chakri wa pura ya ki paidbah.

Na ki 57,570 kiwa chong chnong hapoh u pood u ang wa pait kani ka seiñ em sa 29,053 ngut kiwa ngait ya ka niam Khasi.

Kani ka yung hadien wa dep chna ya ka daw yarap ko wow pynman ya ki yalang kamjooh ki yachemlang yong ki khon ka Seng Khasi.