August 15, 2017

Hapyrdi i awri awra, ye u pynkut ya ka 4th Independence Day Cup U-16 2017

Jowai: Ka 4^th Independence Day Cup U-16 2017 ka WJDSA ynne ka sngi da pynman ya ka yakhun Final yong ka hapyrdi ka Shangpung Moolibang wa ka Ladthadlaboh ha Kiang Nangbah Stadium, Ladthadlaboh.

Ha ka kylla step wa ka kylla miet pyn arliang da yoh ki ki laad wow thap kool tangwa ym em wa ye u pynkylla ki cha ki kool hadooh wa kut i por.

Kamtæ da pteiñ da ka Extra Time wei ha chwa wa yoh u sdang ya ka da mih ki khajia hapyrdi kiwa wan paitke hadooh wa poi cha i yadat hadooh wa haap wan yang ki pulit hakap paidbah hadooh wa kut ha yalehke.

Ha ka Extra Time ym em biang wa yoh u thap kool hadooh wa kut wa chah i por.

Kamtæ yei naam wa jop da rai deiwa yachut Tie Breaker heiwa ka Moolibang da jop ko da 4-2.

Ha kani ka sngi da saam leh ya ki khusnaam Player of the Tournament kawa da yoh u Medonki Salahe wa ya i naam Top Scorer wa da yoh u Dowell John Shylla pynar na ka Ladthadlaboh.

Ka Moolibang da rah ko leh ya ka song poisa wa T. 30,000 katwa ka Ladthadlaboh da yoh ko T. 20,000