15 49.0138 8.38624 1 0 4000 1 https://wyrta.com 300 0
Advertisement ad1

Phooh ka lehkmen laitlooid wa 71 ka ri ha Shangpung

0 Comments

Jowai: Kamwa man ha kylleiñ ka jylla, ynne ka sngi da lehkmen yei dap 71 snem ka ri India ha Shangpung, ha madan Moosyiem heiwa u Montri ka tnat C&RD ka jylla u C. Ymbon da man u kam u kongsan.

Ha kani ka sngi hadien wa da pynhær ya ka lama ka ri, da em ka March Past heiwa da wan chimbynta da 19 tylli ki skur na Shangpung.

U Ymbon hei klam da khana u wa ka sorkar katwa ye yaleh ko u wanrah yei roi i paar hapoh ka jylla deiwa wanrah ya ki Block wa thymme, ki thanat, ki sarok, wa kiwi kiwi.

Da kyntu u leh ya ki paidbah wow man ki kiwa yatylli wei wow yakreh waka sorkar khnang wow ye u pyn yarayngkat kyrdan ya ka wa kiwi kijylla ka ri. Heijooh i por da pynkynmoo u leh yeiwa da leh ki khlawait wow yoh ya i laitlooid heiwa da khoh u yeiwa da leh u Tirot Singh Syiem, u Kiang Nangbah wa u Kiri Dolloi na Shangpung.

Da pynphooh chooh chooh ya kani ka sngi da ki Drill, ki chaad, ki rwai wa kiwi kiwi kiwa da pynkhreh da ki khynnah skur kamjooh wa ki waheh na Shangpung.

Ha kani ka lehkmen da pynkup burom leh ya ki khynnah wa pass bha ha ki exam waphær waphær na Shangpung kam ha ka SSLC, HSSLC wa kiwi kiwi.

Hadien kani ka lehkmen ka Synjuk ki Dorbar Chong ka Shangpung da chim ko ya ka kabu wow pynkupburom ya u C. Ymbon hadien wa da pynman ya oo kam u Montri ka Sorkar Jylla wa pait ya ka C&RD, wa kiwi kiwi.

Advertisement ad1
Advertisement ad1

0 Comments

Leave a Reply