Jowai: Ka yakhun yong ka 4th Invitation Knock Out Football Tournament ha Wahiajer ynne ka sngi da pynyaleh hapyrdi ka Lumbhahdakha FC pyrchah ya ka Mobsian FC na Umroi.
Ka yalehke da man ko kawa jem chiliang neibhah hawa kut i por kani ka yakhun, ka Lumbhahdakha da jop ko da 9-0 lyngba ki kool na u Victor Shadap uwa da thap 3 kool, u Felix Bang uwa da thap 3 kool, u Sdangroi War uwa da thap 2 kool wa na u Bernard Suchiang uwa da thap chi kool.
ADVERTISEMENT
Lyngba ini i jop ka Lumbhahdakha FC da psiah ko cha ka Quarter Final yong kani ka lympung.
Ya i naam Man of the Match da yoh da u Felix Bang.
Ka yakhun wa bood u man ko ha ka 24 tarik uni u bnai heipor 2:00 waje i sngi hapyrdi ka Lumkynsaw FC pyrchah ya ka Sabah Muswang.
Discussion about this post