15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Hawa em ka Lockdown sñiawthooh yei emkaam wow ye u pyndap baam

Advertisement ad1

Jowai: Ka World Food Day næ ka sngi kynmoo ya i baam toh kawa da jooh kynmoo warom khlieh u snem haka 16 tarik u Naichiphaw hajrong ka yurim wow pyndooh yei duna baam haka pyrthai waroh kawi, ha West Jaiñtia Hills District leh ha uni u snem da pynman yeini i kynmoo warom ha Community Hall ka chnong Wahiajer hajrong ka phang “Grow, Nourish, Sustain Together”.

Yeini i kynmoo warom da pynman ynne ka sngi daka yung krehkaam u District Agriculture Officer, Jowai chirup i krehlang ka yung krehkaam u District Horticulture Officer, Jowai/Research Officer, ka ATMA, Jowai waka KVK, Jowai wei da wan ya chimbynta leh da ki paaid warep haka yalang wa pynlai da u D. Pyrbot District Agriculture Officer, West Jaiñtia Hills.

Advertisement ad1

U D. Lamar, Research Officer, District & Local Research Station and Laboratory, Jowai hawa e yei ktien yahkhmat, ong u wa uni u snem katwa hap u yakhun yaka khlam COVID-19, da chah ktah i biang i dap ki bru heiwa wot i yoh baam leh da ktah bha ko.

Yei kordor i baam da yoh leh u yoo wa ha u bnai wa pynbna yaka Lockdown waroh ki bru da hær rngu ki wa tieñ ki ya dooh bam, kamtæ kyntu u wa hawa thooh baam emkaam leh u tip wow thooh yaki jait baam wa tei wei pynchait pynkhiah yei doh i pran. Da e nongmuna u wa ki bru haki por nachwa man ki kiwa chait wa khiah wei im slem, wei i daw toh wa baam ki yei baam tynre iwa tei. 

“I wan ka Lockdown man i wow pynkhyrngiat ya i, heiwa ya iwon iwon wa thung emkaam u e i sumaar wa bha yow yoh yei baam wa dap, heijooh i por leh kam ki warep wa psa baam yaki chnong ki thaw toh u kitkhia ki wow rep wei ym toh wow e laad yaki kpær u chong sngi ki,” kyntu ka L. Lakiang, Project Director, ATMA, Jowai.

Chooh chooh ong ko wa lyngba ka Agriculture Technology Management Agency jooh pynchlur bha ki kam yaki Food Security heiwa lyngba kani ka Scheme da pyrchang ki wow pynche yaki bru yow ye chwa ki u pynmih du kat i baam ha yung ha sem neibhah i baam wa pna rep man i iwa bha tam.

U D. Paswet, Senior Scientist & Head KVK Jaiñtia Hills won kyntu u ya ki warep wow pyrchang ki wow chna hi yaki sboh yow suk ki neibynta i emkaam yong ki wei ym em man i iwa eh wow leh. Heijooh i por i chna sboh ye ko leh u man ka laad kamai kajih. 

Neidaw wa ka um toh kawa emkaam wa hakhmat dooh yong u bru na ki jait wa thung waroh, neiliang ka R.K. Blah, District Horticulture Jowai, kyntu joor ko wow pynneh pynsah yaki khloo ki kjam heijooh i por lada pam uwi u deiñ toh u thung won 10 tylli, neibhah na uwi u dieñ wa rap heh sla ye u wow ksoh 4 hajar liter ka um.

U kongsan yong kani ka sngi won u Kyrmen Shylla, Waheh Chnong Wahiajer, pynsñiaw u i ya i kmen wow yoh emlang ha kani ka sngi neibhah wa boon i pynche da yoh naki sahep sorkar waphær waphær heiyatoh wa kani ka sngi.

Kamtæ kyntu u, wa kam ki warep toh u chim ki yei rai kut wow pyndap baam deiwa sdang chwa ha yung ha sem neitæ yow ye u pyndap yaka pyrthai hi waroh kawi.

Da pynrap haroh u deiwa ong wa boon hi ki yung wa dap wa biang wym rap sñiawthooh ki wow ñiawkor yei baam neibhah boonsien noh taroi ki, khlem da kynmoo won wa dang em hi leh ki manyung wot tang u baam leh wym rap yoh bha ki.  

Share this:
Previous

139 ngut kiwa dang yoh, 90 ngut kiwa chait wa sa 2 ngut kiwa yap na u COVID-19 ha Meghalaya

Next

U mooyong wa kit katni napoh ka jylla toh uwa khlem tre: Prestone Tynsong