15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

U mooyong wa kit katni napoh ka jylla toh uwa khlem tre: Prestone Tynsong

Advertisement ad1
Advertisement ad1

Ha kini ki sngi wa dadep da mih i pynbaad na kiwa boon ki liang hajrong i chalan tooh ya u mooyong napoh ka jylla wei hajrong ini ynne ka sngi ka sorkar jylla Meghalaya da pynksan biang ko wa ym em iwon i chalan tooh ya u mooyong na ka jylla.

Neiliang u Symbood Montri Rangbah ka jylla, u Prestone Tynsong da ong u wa u mooyong wa chalan na ka jylla toh uwa da yoh kem wei uwa khlem tre weiwa hadien wa dep bichaar ka kasari da phah lilam noh ya oo (mooyong) wei ka sorkar jylla daw e ko ya ka chalan neibynta uni u mooyong wei du hadien itæ wow ye u  pynlait wow kit ya oo.

Advertisement ad1

Da pyntip u leh wa ya u mooyong wa pynkit katni toh na East Jaiñtia Hills toh uwa da kem wei u wym em tre wei ki truck kiwa lai katni toh kiwa da em chwa ya ka chalan neibhah kamwa man hadooh ynne ka sngi, ka sorkar ympu ye ko wow e chalan wow khayi mooyong na ka jylla.

Chooh chooh u Prestone da kyntait u leh wa em iwon iwon i khayi tooh ya u mooyong deiwa ong leh wa ka sorkar da phah ko neipor cheipor ya ki Deputy Commissioner wa ki Superintendent of Police wow pyntikna wa ym em iwon iwon i khayi tooh.

Share this:
Previous

Hawa em ka Lockdown sñiawthooh yei emkaam wow ye u pyndap baam

Next

Ym yoh bordiñ ka West Jaiñtia Hills mynstep i sngi ka 17 tarik